Урачыстасць І Камуніі

18 мая, радасны і святочны дзень у нашай парафіі – дзень І Святой Камуніі! Урачыстую Святую Імшу а 10 гадзіне, падчас якой 45 дзетак упершыню прынялі ў свае сэрцы Езуса Хрыста, цэлебраваў ксёндз пробашч Станіслаў Мжыглуд.

Пахаванне

Сёння ноччу памерла с. Фелікса Журня SJE, 1933 г.н., пахавальная св.Імша адбудзецца 8 травеня 2014 а 12.00 у нашым касцеле, абрад пахавання адбудзецца пасля св. Імшы на "старых могілках". 

СВЯТАРСКІЯ ПАСВЯЧЭННІ Ў НАШАЙ ПАРАФІІ

3 мая ў Санктуарыі Маці Божай Валадаркі Азёраў адбыліся святарскія пасвячэнні двух дыяканаў: Яна Кароткіна і Аляксандра Фядотава з манаскай супольнасці Айцоў Сэрцанаў.

Разважанні над Словам Божым на VI Нядзелю Вялікага посту

Веруючы чалавек заўсёды павінен разважаць муку і смерць Хрыста. Нягледзячы на тое, што гэта было шмат стагоддзяў назад, але кожны з нас мае ўдзел у гэтых здарэннях.

Пальмовая нядзеля

Літургія пальмовай нядзелі нагадвае пра ўрачысты ўезд Езуса ў Ерузалем за пяць дзён да Яго ўкрыжавання: «У той час мноства людзей, якія прыйшлі на свята, калі пачулі, што Езус ідзе ў Ерузалем, узялі пальмовая галінкі і выйшлі Яму насустрач, усклікаючы: Гасанна! Благаслаўлёны той, хто прыходзіць у імя Пана, Валадар Ізраэля!» (пар. Ян 12, 12-13)

Закрыццё крыжа

Ужо ў ХІІІ стагоддзі гэтая практыка была вядомай у Еўропе. Касцёлы былі багата ўпрыгожаныя крыжамі і часта таксама трыумфальнымі фігурамі (Валадара і Святара). Перад Вялікаднем гэтыя крыжы імкнуліся захіліць, каб увесці пакутны настрой сярод вернікаў. Сёння гэта сімвал пакутаў і поўнага знясілення Збаўцы на крыжы. Закрыццё крыжоў звычайна адбываецца ў пятую нядзелю Вялікага посту, і працягваецца гэта да ўрачыстай літургіі Вялікай пятніцы.

Разважанні над Словам Божым на V Нядзелю Вялікага посту

Чарговы раз Езус і Евангелле аб’ядноўваюцца з таямнічасцю чалавечага цярпення і смерці. Кожная прапанова і адказ, якія кідаюць святло на гэтую цяжкую праблему – бясцэнныя.

IV Нядзеля Вялікага Посту - Laetare

IV Нядзеля Вялікага Посту носіць назву „Laetare” (Нядзеля руж). Яе назва паходзіць ад слоў антыфоны на ўваход, прызначанай на гэты дзень: Laetare, Ierusalem: et conventum facite, omnes qui diligitis eam: gaudete cum laetitia, qui in tristitia fuistis: ut exsultetis, et satiemini ab uberibus consolationis vestrae. Весяліся, Ерузалем, * збярыцеся ўсе, хто любіць яго. * Радуйцеся вы, хто быў засмучаны, * цешцеся і чэрпайце з крыніцы вашага суцяшэння.

Разважанні над Словам Божым на IV Нядзелю Вялікага посту

Ці сённяшняе Евангелле расказвае пра цуда? Не, пра цуд Ян не будзе расказваць у двух абзацах. Гэта апавяданне пра падарожжа веры. Спачатку ўсе сляпыя. Напрыканцы адзін аздароўлены і шмат сляпых. Сёння сустракаемся з начамі і з Езусам-Святлом.

КРЫЖОВЫ ШЛЯХ АДНАГО ЖЫЦЦЯ, або “МЯНЕ ЎРАТАВАЛА МОЦНАЯ, НЕПАХІСНАЯ ВЕРА Ў БОГА”

Да 100-годдзя з дня нараджэння кардынала Казіміра Свёнтка, Крыжовы Шлях на аснове апісання драматычных момантаў жыцця кардынала Казіміра Свёнтка

Паведамленне Канферэнцыі Каталіцкіх Біскупаў Беларусі на ХІ Нацыянальны дзень «Caritas»

Да духавенства,
кансэкраваных асобаў,
вернікаў і ўсіх людзей добрай волі

Запрашаем на выставу "Гісторыя каталіцкага касцёла на Браслаўшчыне"

Сёння, 22 сакавіка 2014 г. а 13 гадзіне ў Гісторыка-краязнаўчым музеі г. Браслава адбылося адкрыццё выставы "Гісторыя каталіцкага касцёла на Браслаўшчыне". Запрошаныя госці мелі магчымасць убачыць рэлігійныя рэчы, перададзеныя ў музей з навакольных касцёлаў.

Разважанні над Словам Божым на IIІ Нядзелю Вялікага посту

Магчыма, мы не адзін раз чулі, што часам, вельмі простая думка ці нават адно слова можа змяніць жыццё чалавека. Больш таго, магчыма і нас закранула нечае слова. Ці не надышоў той час, каб мы адкрылі, што і мы самі падобным чынам можам прыйсці іншым на дапамогу?

Новыя лаўкі ў нашай святыні

Зручныя месцы ў касцеле- лаўкі, гэта аснова літургіі, а менавіта катэхетычнай працы з тымі, хто хоча паглыбіць сваё рэлігійнае жыццё. Вельмі важна таксама і тое, каб лаўкі былі прыстасаваныя кленчыць і свабодна стаяць падчас набажэнстваў.

Песні жальбы

Песні жальбы — набажэнства, створанае на падабенства святарскай малітвы (Брэвіярыя). Песні жальбы ўзніклі ў Польшчы на пачатку ХVІІІ ст. (1707 г.). Першы раз іх праспявалі ў касцёле Святога Крыжа ў Варшаве. У хуткім часе гэтае набажэнства стала адным з найбольш папулярных набажэнстваў Вялікага посту і на нашай  зямлі. У гэтых спевах – гімнах і песнях – разважанне пра Муку Хрыста і Яго адкупленчую смерць. Гэтае разважанне заахвочвае нас да глыбокага пакаяння і асэнсавання Ахвяры Збаўцы, а таксама да жалю за грахі, якія з’яўляюцца прычынай цяжкіх цярпенняў Хрыста. Разважанне Мукаў Хрыста ў Песнях жальбы спрыяе духу пакаяння, а перадусім мае на мэце служыць нашаму навяртанню. Яно складаецца з трох частак, элементамі якога з’яўляюцца «Натхненне» і тры малітвы. Кожная частка мае сваю ўласную мелодыю. З нагоды гэтага набажэнства часта прамаўляюцца спецыяльныя казанні — пасійныя пропаведзі (пра Муку Пана).

Разважанні над Словам Божым у II Нядзелю Вялікага посту

Толькі адзін раз Езус паказаўся людзям у поўні сваёй боскай хвалы. Але гэта была выключная сітуацыя. Вера павінна была прывесці да адкрыцця і пазнання боскасці Езуса, а не відавочныя доказы. Таму нават калі Езус аб’явіў сваю боскасць, зрабіў гэта адасоблена i толькі ў прысутнасці трох абраных сведкаў. Гэтыя веды, гэты ўспамін спатрэбіліся ім пазней, каб сведчыць, але, варта прызнаць, што да пэўнага часу і так гэта амаль што не было патрэбным. Толькі доказаў і ведаў пра боскасць Езуса не дастаткова. Толькі вера, прынятая ад Святога Духа, робіць чалавека моцным, трывалым і адважным.

Рэкалекцыі і велікодная споведзь

Са старажытных часоў у Папялец адбывалася споведзь, а ў Вялікі чацвер — паяднанне праз прабачэнне з Богам і Касцёлам усіх тых, хто прыступіў у Папялец да споведзі. На працягу ўсяго посту адбывалася таксама катэхізацыя для тых, хто рыхтаваўся атрымаць сакрамэнт хросту (катэхумэнаў), прыступіць да Святой Камуніі і канфірмацыі. Напэўна, таму сёння існуе звычай парафіяльных рэкалекцый, злучаных з навукай і магчымасцю прыступіць да сакрамэнту пакаяння. Такое патрабаванне Касцёл ставіць перад чалавекам таму, што адзін з касцёльных загадаў — «прынамсі раз у год прыступаць да сакрамэнту пакаяння». Гэтая споведзь з’яўляецца неабходнай умовай, каб святкаваць Вялікдзень у прымірэнні з Богам, сабой і бліжнім. Гэта духоўная падрыхтоўка да ўваскрасення Хрыста.

Благаслаўленне алею ў Вялікі чацвер

Ужо ў ІІІ стагоддзі біскупы асвячалі алей для здзяйснення сакрамэнтаў, але ў Вялікі чацвер пачалі рабіць гэта толькі пачынаючы з V–VI стст. Гэтая літургія цэлебруецца заўсёды ў катэдральным саборы раніцай у Вялікі чацвер, калі пастыр дыяцэзіі (біскуп ардынарый) кансэкруе алей хрызму — для ўдзялення сакрамэнтаў хросту, канфірмацыі і пасвячэння (святарства), благаслаўляюць алей хворых — для ўдзялення сакрамэнту намашчэння хворых, а часам па жаданні біскупа асвячаецца і алей катэхуменаў. Гэтыя алеі пасля літургіі святары або прадстаўнікі парафій могуць узяць у свае парафіяльныя супольнасці. Таксама пасля 1970 года падчас гэтай літургіі біскупы і святары пачалі аднаўляць свае святарскія абяцанні, якія склалі ў дзень свайго святарскага пасвячэння.

Працэсія на Пальмовую нядзелю

Пачынаючы з IV стагоддзя, у Іерусаліме ўрачыста святкавалі нядзелю перад Вялікаднем, імкнучыся да таго, каб інсцэніраваць Евангелле. Гэты звычай быў прыняты ў Каталіцкім Касцёле ў ІХ стагоддзі. Сёння ў літургіі падчас працэсіі з вербамі падкрэсліваецца каштоўнасць жыцця ў ласцы і перамога Хрыста над смерцю. Галінкі вярбы, якія нясуць у гэты дзень у руках вернікі, сімвалізуюць абуджэнне, адраджэнне, спадзяванне на новы ўраджай і ўзрастанне. У Пальмовую нядзелю (Passion) разам злучаюцца радасць вызвалення і трагедыя граху, жыццё і смерць, любоў і здрада.

Спектакль-Камедыя: "Куды ноч, туды і сон"

 Ужо стала добрай традыцыяй апасля калядных святкаванняў ладзіць у  Браславе спектаклі на рэлігійную тэмытыку. Адбылася такая падзея і сёння, другога лютага, на сцэне раённага Дома культуры.