Падзякі і просьбы да Маці Божай Валадаркі Азёраў

Набажэнствы да Маці Божай Валадаркі азёраў, адарацыя Найсвяцейшага Сакрамэнту і Святоя Імша - будуць адбывацца ў кожную першую суботу месяца ў 11.00
 
 

25 снежня — урачыстасць нараджэння пана

bozaenaradzenie_ikonaBelarus
Category
Падзеі ў парафіі
Date
Пятніца, 25 Снежань 2020

Урачыстасць Нараджэння Пана

«У тыя дні выйшаў загад ад цэзара Аўгуста зрабіць перапіс па ўсёй зямлі. Гэта быў першы перапіс падчас панавання Квірынія ў Сірыі. І пайшлі ўсе запісвацца, кожны ў свой горад. Пайшоў таксама і Юзаф з Галілеі, з горада Назарэта, у Юдэю, у горад Давіда, званы Бэтлеем, бо ён быў з дому і роду Давіда, каб запісацца з Марыяй, заручанай з ім, якая была цяжарнай. А калі яны былі там, надышоў Ёй час нарадзіць. І нарадзіла Сына свайго  першароднага. І спавіла Яго, і паклала ў яслі, бо не было ім месца ў заездзе. У той ваколіцы былі на полі пастухі, якія вартавалі ўначы свой статак. І з’явіўся ім анёл Пана, і хвала Пана асвяціла іх, і вялікі страх ахапіў іх. І сказаў ім анёл: “Не бойцеся, я абвяшчаю вам вялікую радасць, якая будзе для ўсяго народу, бо нарадзіўся вам сёння ў горадзе Давіда Збаўца, якім ёсць Хрыстус Пан. І вось вам знак: знойдзеце Немаўля спавітае і пакладзенае ў яслях”.
Раптам з анёлам з’явілася вялікае войска нябеснае, якое праслаўляла Бога і ўсклікала:
“Хвала на вышынях Богу,
а на зямлі спакой людзям добрай волі”»
(Лк 2, 1–14).
 
Радуймася!
 
Умілаваныя, будзем радавацца: сёння нарадзіўся наш Збаўца. Бо няма месца на смутак тады, калі нараджаецца жыццё, якое, знішчыўшы страх перад смерцю, прынесла нам радасць абяцанага вечнага жыцця.
 
Гэтая радасць нікога не абміне, ёсць агульная для ўсіх прычына радасці: наш Пане, пераможца граху і смерці, хоць і не знаходзіць нікога, свабоднага ад віны, аднак прыходзіць вызваліць усіх. Няхай цешыцца грэшнік, бо яму даецца прабачэнне. Няхай абудзіцца язычнік, бо яго клічуць да жыцця. 
 
Калі настала паўната часу, якую прадвызначыла неспасцігальная веліч Божага намеру, Сын Божы прыняў чалавечую натуру, каб прымірыць яе са сваім Айцом і перамагчы д’ябла, які яе зняволіў і прынёс смерць.
 
Анёлы адасна абвяшчаюць пры Нараджэнні Пана: «Хвала на вышынях Богу, а на зямлі спакой людзям добрай волі» (Лк 2, 14). Анёлы бачаць, як з усіх народаў зямлі будуецца нябесны Ерузалем. Калі так радуюцца анёлы ў небе, то як жа павінны радавацца людзі на зямлі гэтай невыказнай справе Божай любові?
 
Таму, умілаваныя, падзякуем Богу Айцу праз Яго Сына ў Духу Святым, які ў сваёй вялікай міласэрнасці палюбіў нас і змілаваўся над намі. І хоць мы былі мёртвыя з прычыны граху, Бог ажывіў нас разам з Хрыстом (пар. Эф 2, 5), каб мы сталі ў ім новым стварэннем.
 
Таму адкінем «ранейшыя паводзіны і свайго старога чалавека» (Эф 4, 22), атрымаўшы ўдзел у патомстве Хрыстовым, адрачэмся ад справаў цела.
 
Прызнай, о хрысціянін, сваю годнасць і, стаўшы саўдзельнікам Божай сутнасці, пачварнымі паводзінамі не вяртайся да ранейшай грахоўнасці. Памятай, часткай чыёй Галавы і чыйго цела з’яўляешся. Прыгадай, што цябе вырвалі з улады цемры і перанеслі ў святло Божага Валадарства.
 
Праз сакрамэнт хросту ты стаў святыняю Духа Святога, таму не выганяй з сябе такога жыхара сваімі благімі ўчынкамі і не паддавайся зноў няволі д’ябла. Бо водкуп за цябе — гэта Хрыстова Кроў.
 
Казанне св. Льва Вялікага, папы на Божае Нараджэнне 
(паводле І тома Літургіі Гадзінаў; Мінск, 2012)
 
 

Powered by iCagenda

СЛУХАЕМ АНЛАЙН

Наперадзе ‒ Адвэнт

Вось і завяршаецца літургічны год. 30 лістапада Каталіцкі Касцёл распачне Адвэнт ‒ перыяд духоўнай падрыхтоўкі да Божага Нараджэння. Нагадаем пра яго сутнасць і асаблівасці.

Рэкалекцыі - навошта?

 Адвэнт — гэта перыяд, калі ў нашых парафіях перажываем рэкалекцыі.

Запрашаем на штотыднёвую прыборку касцёла

Дбаць пра стан святыні ‒ гэта клопат парафіянаў. Таму шчыра запрашаем усіх вернікаў на прыборку касцёла, якая адбываецца кожны тыдзень па панядзелках (у 8. 30) і ў пятніцы пасля вячэрняй святой Імшы (у 19.30).
Будзе добра, калі кожны з нас задбае пра стан святыні і дапаможа ў штотыднёвай прыборцы (зразумела, па магчымасці). Няхай Бог вам адудзячыць!
 

Расклад катэхэз у нашай парафіі на 2020-2021 год

Расклад катэхэз у нашай парафіі на 2020-2021 год
 
Заняткі распачынаюцца 19 верасня
Падрыхтоўка да Першай Святой Камуніі
1 год – Субота 12.00
1 год - Нядзеля 9:30
1 год – Нядзеля 13:30
2 год - Субота 13.00
2 год - Нядзеля 12:00
2 год – Нядзеля 16: 00
 
Падрыхтоўка да Сакрамэнту Канфірмацыі
1 год – Субота 14.30
2 год – Субота 15:30
3 год – Субота 17:00
 
Дзеці 4-8 год
Нядзеля 12.00
 
Спатканне моладзі
Нядзеля 20.00
 
Катэхэза для дарослых
Пятніца 19.30
 
Сустрэчы для міністрантаў
Субота 16.00
Пахаванне па Каталіцку

Смерць - гэта канец людскога пілігрымавання, але разам з тым яна - нараджэнне, уваход у новае, вечнае жыццё, у быццё дзяцей Божых, сабраных у доме Айца. Таму мы кіруемся не да смерці, але да жыцця.
Дамовіцца са святаром аб каталіцкім пахаванні можна ў сакрыстыі.

Галоўныя святы Сальватарыянаў

Супольнасць Сальватарыянаў прысвечана Божаму Збаўцу (Сальватору), а яго апекунамі з’яўляюцца:

Найсвяцейшая Панна Марыя Маці Збавіцеля

Апосталы,

Святы Міхаіл Арханёл,

Святы Юзаф.

 
Галоўнай урачыстасцю з’яўляецца ўрачыстасць Нараджэння Пана і Збаўцы (25 снежня).
 
Галоўным марыйным святам з’яўляецца Ўрачыстасць Маці Збаўцы (11 кастрычніка).
Ва ўрачыстасць Беззаганнага Зачацця НМП (8 снежня) супольнасць адзначае дзень свайго заснавання і ў гэты дзень сальватарыяне аднаўляюць свае законныя абяцанні. 
Супольнасць шануе таксама Марыю як Валадарку Апосталаў, а таксама ўспамінае благаслаўлёную Марыю ад Апосталаў, сузаснавальніцу сясцёр сальватарыянак (5 верасня).
 

Спіс лектараў (жнівень-снежань)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.
Пн Ат Ср Чц Пт Сб Нд
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА ПАНА БОГА

1. Хто такі Бог?
-  Пан Бог - дасканалы Дух, Стварыцель неба і зямлі, а таксама наш найлепшы Айцец. Бог ёсць адзін у трох Асобах: Бог Айцец, Сын Божы і Дух Святы.
2. Чаму Пана Бога мы называем Духам?
-  Бога мы называем Духам, бо Ён не мае цела.
3. Як мы называем Бога ў трох Асобах?
-  Бога ў трох Асобах мы называем Найсвяцейшай Тройцай.
4. Чаму Пана Бога мы называем вечным?
-  Бога мы называем вечным, бо Ён заўсёды быў, ёсць і будзе.
5. Дзе ёсць Бог?
-  Бог ёсць на небе, на зямлі і на кожным месцы.
6. Чаму Пана Бога мы называем Усёбачным?
-  Бога мы называем Усёбачным, бо Ён усё бачыць і ўсё ведае, нават нашыя думкі і жаданні.
7. Чаму Пана Бога мы называем Стварыцелем?
-  Бога мы называем Стварыцелем, бо Ён стварыў усё з нічога.
8. Чаму Пана Бога мы называем найлепшым Айцом?
-  Бога мы называем нашым найлепшым Айцом, бо Ён любіць усіх людзей як сваіх дзяцей і клапоціцца аб кожным сваім стварэнні.
9. Чаму Пана Бога мы называем справядлівым?
-  Бога мы называем справядлівым, бо Ён за добрае ўзнагароджвае, а за злое карае.
10. Чаму Пана Бога мы называем міласэрным?
-  Бога мы называем міласэрным, бо Ён ахвотна прабачае нам нашыя грахі, калі мы раскайваемся ў іх.
Go to top