ДУШПАСТЫРСКІЯ АБ’ЯВЫ
на V Нядзелю Вялікага Посту
 
1. Сёння, пятая нядзеля Вялікага Посту. Распачынаецца перыяд Мукі Пана нашага Езуса Хрыста, таму ўсе крыжы ў касцёле закрываем фіялетавай тканінай.
 
2. Велікапостныя рэкалекцыі распачынаем у пятніцу (18.03.), а заканчваем у Нядзелю Мукі Пана (20.03). У гэтым годзе рэкалекцыі будзе праводзіць Айцец Андрэй Сідаровіч з Росіцы, з Ордэну Айцоў Марыянаў. Просім ўсіх прыняць удзел у гэтай духоўнай практыцы, каб годна падрыхтавацца да перажывання святаў. (Праграма). Праграму рэкалекцый можна знайсці на дошцы аб’яў пры ўваходзе ў касцёл і на дошцы аб’яў перад касцёлам, а таксама на інтэрнет- старонцы waladarka.by. У пятніцу і суботу на кожнай св.Імшы будзем збіраць ахвяры, якія будуць прызначаны для Айца Андрэя, як знак нашай удзячнасці.
 
3. На гэтым тыдні прыпадае ў суботу; Урачыстасць св. Юзафа, Абранніка Найсвяцейшай Панны Марыі і галоўнага Апекуна Касцёла. У гэты дзень усе маем абавязак прысутнічаць на Св. Імшы. Св. Імша будзе а  8.00, 11.00 і 19.00.
 
4. Наступная нядзеля, гэта Нядзеля Мукі Пана – знак памяці ўрачыстага ўваходу Езуса ў Ерузалем. Урачыстая працэсія з пальмамі адбудзецца а 11.00 гадзіне. Асвячэнне пальмаў адбудзецца падчас кожнай святой Імшы. Аб’яўляем конкурс на самую высокую вербу, якая будзе прыгожа зроблена і роўная, вынікі конкурсу будуць аб’яўлены пасля св. Імшы а 11.00. Пераможцу ў конкурсе чакае ўзнагарода. Ахвяры складзеныя ў Нядзелю Мукі Пана будуць прызначаны для Духоўнай Семінарыі.
 
5. Калі ў вашых дамах ёсць людзі хворыя, старыя, якія не могуць прыйсці ў касцёл, а хацелі перад святамі прыступіць да сакрамэнту споведзі, звяртайцеся, каліласка,  ў сакрыстыю да кс. Уладзіміра, каб да распачацця рэкалекцый мы змаглі наведаць гэтых людзей.
 
6. На ўвесь тыдзень працы і абавязкаў няхай благаславіць вас усіх Бог Усемагутны.