ДУШПАСТЫРСКІЯ АБ’ЯВЫ 
на XXIV Звычайную Нядзелю
 
1. Прыпамінаем, што абавязкам бацькоў з’яўляецца клопат аб рэлiгiйным выхаваннi сваiх дзяцей. Нагадваем, дзецi i моладзь павiнны прымаць удзел у нядзельнай святой Імшы i штотыднёвай катэхэзе. Дзяцей, якія перайшлі ў 3-ці клас, запрашаем на заняткі прыгатавання да Першай святой Камуніі. З 6-га класа на прыгатаванне да сакрамэнту Бежмавання. Так сама запрашаем малодшых дзяцей ад 4  да 8 год на катэхэзу. 19 верасня распачынаюцца катэхэзы для дзяцей і моладзі. Праграма катэхэзы будзе даступна ад аўторку на дошцы аб’яў перад касцёлам і на інтэрнэт старонцы нашага Санктуарыя. Запрашаем на катэхэзы бацькоў кожную пятніцу у 19.30. Першая катэхэза ў пятніцу 9 кастрычніка.
 
2. На гэтым тыдні прыпадае:
  • у панядзелак, свята Узвышэння Святога Крыжа. Св.Імша ў гэты дзень у нашым касцеле ў 11.00 і 19.00. Ахвяры складзеныя ў гэты дзень будуць прызначаны на Базіліку Гробу Панскага ў Ерузалеме.
  • у аўторак, успамін Найсвяцейшай Панны Марыі Балеснай;
  • у сераду, успамін св. Карнэлія, папы і Кіпрыяна, біскупа, мучанікаў;
  • у пятніцу, успамін св. Станіслава Косткі, законніка.
 
3. У кожны чацвер у 18.00 запрашаем на адарацыю Найсвяцейшага Сакрамэнту.
 
4. Сустрэчы для міністрантаў у суботы а 16.00. Першая сустрэча ў суботу 26 верасня.
 
5. Сустрэча моладзі па нядзелях пасля вячерняй святой Імшы.
 
6. Сястра Аліцыя Буткевіч завяршыла працу ў нашай парафіі. Ад усяго сэрца хочам Ёй падзякаваць за адданую працу для парафіі і парафіян. Жадаем Божага благаслаўлення, а таксама апекі Маці Божай Валадаркі ў далейшай паслузе ў наступнай парафіі. Сардэчна вітаем у нашай парафіяльнай супольнасці с. Марыну Лютую, якая распачынае сваю паслугу сярод нас. Жадаем Ёй Божага Благаслаўлення, дароў Духа Святога і апекі Маці Божай Браслаўскай на кожны дзень.
 
7. У суботу, 19 верасня, у 13.00 адбудзецца св. Імша на старых браслаўскіх могілках, а ў суботу, 26 верасня, у 12.00 адбудзецца св. Імша на могілках у вёсцы Зарачча.
 
8. Працягваецца збор ахвяраў на рамонт прэзбітэрыя ў нашым касцеле. Вельмі просім усіх парафіян аб дапамозе ў гэтай добрай справе. Ахвяры можна скласці ў сакрыстыі. Вельмі ўдзячныя за ахвярнасць і зразуменне.
 
9. Няхай добры Бог благаславіць кожнага з Вас у працы і ў штодзённым жыцці.