ДУШПАСТЫРСКІЯ АБ’ЯВЫ
на XIII Звычайную Нядзелю
 
1. На гэтым тыдні прыпадае:
  • у аўторак – успамін св. Ірэнэя, біскупа і мучаніка;
  • у сераду – урачыстасць святых Пятра і Паўла, апосталаў. Св. Імшы а  11.00 і 19.00. У гэты дзень кожны католік абавязаны прысутнічаць на Св. Імшы. Збор ахвяраванняў на патрэбы Апостольскай Сталіцы;
  • у суботу – свята Найсвяцейшай Панны Марыі Будслаўскай,   
  • І пятніца месяца, дзень малітвы да Найсавяцейшага Сэрца Пана Езуса аб святасці сем'яў нашай парафіі. У гэты дзень, асаблівым чынам, памятаем пра людзей старэйшых і хворых;
  • І субота месяца, дзень малітвы да Беззаганнага Сэрца Найсвяцейшай Панны Марыі, асаблівым чынам памятаем у сваіх малітвах пра грэшнікаў.

У першую пятніцу выстаўленне Найсвяцейшага Сакрамэнту і адарацыя ад 18.00.  У пятніцу пасля св. Імшы ў 19.00, адбудзецца малітва аб захаванне ад злога духа.

Запрашаем Вас на набажэнства да Маці Божай Каралевы азёраў, злучаныя з адарацыяй Найсвяцейшага Сакрамэнту і Святой Імшой, 2 ліпеня (субота) пачатэк а 11.00. Запрашаем вас пісаць просьбы і падзякі да Маці Божай Каралевы азёраў, яны будуць зачытвацца падчас набажэнства.

2. Святыя Імшы малітоўных груп:
  • у пятніцу а 19.00 – група Вешчуноў Божай Міласэрнасці;
  • у наступную нядзелю а 8.30 – група святога Ружанца Яднання з Церпячым Хрыстом.
Змена таямніц групы Жывога Ружанца адбудзецца ў наступную нядзелю пасля св. Імшы ў 8.30.
 
3. На мінулым тыдні адбыліся КАНІКУЛЫ З БОГАМ для дзяцей. Сардэчна дзякуем усім удзельнікам. Шчыра дзякуем усім, хто дапамагаў у арганізацыі і правядзенні гэтых рэкалекцый.
 
4. Пешая пілігрымка ў Будслаў распачнецца у панядзелак (27 чэрвеня) пасля Св. Імшы ў 8.00.
 
5. Урачыстасці ў гонар Апякункі Беларусі Маці Божай Будслаўскай у Нацыянальным санктуарыі пройдуць у пятніцу 1 ліпеня і ў суботу 2 ліпеня. Праграму урачыстасці можна знайсці на дошцы аб’яў пры ўваходзе ў касцёл і на дошцы аб’яў перад касцёлам.
 
6. Кожную сераду ў 17.00 у капліцы у бальніцы будзе адбывацца св. Імша.
 
7. На ўвесь тыдзень працы і абавязкаў няхай благаславіць вас усіх Бог Усемагутны.