Душпастырскія аб’явы
на III Нядзелю Адвэнту
 
1. Набліжаюцца святы Божага Нараджэння. З пятніцы распачынаем адвэнтовыя рэкалекцыі, якія дапамогуць нам падрыхтавацца да радаснага перажывання святаў. Шчыра просім усіх парафіянаў добра  выкарыстаць час рэкалекцый.  Споведзь падчас рэкалекцыі ў пятніцу 6.15, 18.00  і суботу 7.30, 10.00 і 18.00. Ахвяры складзеныя ў наступную нядзелю будуць прызначаны для святара рэкалекцыяніста. План рэкалекцый знаходзіцца на дошцы аб’ў у касцёле і перад касцёлам, а таксама на інтэрнет старонцы нашага санктуарыя waladarka.by.
 
2. На гэтым тыдні ўспамінаем:
  • у аўторак успамін св. Люцыі, панны і мучаніцы;
  • у сераду успамін св. Яна ад Крыжа, святара і доктара Касцёла.
3. Рараты будуць адпраўляцца ў сераду і пятніцу а 6.45 раніцай.
 
4. Вігілійныя аплаткі  можна набыць пры ўваходзе ў касцёл пасля кожнай св. Імшы ў нядзелю, а ў паўсюдныя дні ў сакрыстыі.
 
5. Прыпамінаем аб сямейным конкурсе (бацькі з дзецьмі) на лепшую калядную стайню-батлейку з яслямі. Можна выкарыстоўваць: дрэва, мох, кару, гліну, пластылін, картон і г. д. Просім прыносіць працы ў касцёл да 23 снежня.
 
6. Набліжаецца перыяд Божага нараджэння, які ў душпастырстве звязаны з наведваннем вернікаў парафіі праз сваіх святароў, гэта час малітвы і благаслаўлення памяшкання а так сама сям’і. Таму просім, каб арганізавацца і прынесці ў сакрыстыю спіскі з вуліц, ці раёнаў усіх жадаючых прыняць святара ў сваім доме.
 
7. У гэтым годзе Урачыстасць Нараджэння Пана і першы дзень Новага года (Урачыстасць Святой Багародзіцы Марыі) выпадаюць на нядзелю. У гэтыя дні ў нашым касцёле адбудуцца дзве святыя Імшы ў 11.00 і 15.00!
 
8. Няхай Езус Хрыстус, Якога мы чакаем падчас адвэнту, нас благаславіць.