Спіс лектараў май-верасень

Рараты — адмысловыя святыя Імшы ў перыяд Адвэнту. Назва «Рараты» бярэ свой пачатак ад лацінскай песні «Rorate coeli desuper» («Дайце, нябёсы, росы з вышыняў»), якая спяваецца ў перыяд Адвэнту, звычайна на пачатку раратняй Імшы. Удзел у такіх набажэнствах – гэта заахвочванне прысвяціць адносінам з Богам больш часу, зрабіць іх больш якаснымі і шчырымі.

Традыцыйна Рараты адбываюцца перад усходам сонца. У касцёле пагашана святло, толькі гараць раратнія ліхтарыкі, якія прыносяць з сабою людзі, звычайна запаленымі, ідучы з дому ў святыню, асвятляючы змрок. Гэтая прыгожая сімволіка нагадвае нам пра неабходнасць збірання на працягу ўсяго Адвэнту добрых учынкаў, якія дапамогуць асвяціць змрок граху ў нашай душы, паказаць Езусу шлях да нашага сэрца.

Традыцыя ранішніх раратніх Імшаў існавала ў нашай парафіі здаўна. Але з цягам часу святары вырашылі праводзіць іх вечарам, каб удзельнічаць у іх маглі як мага больш дзяцей. Як заўсёды святары і сёстры-эўхарысткі дапамагаюць дзецям з карысцю правесці перыяд Адвэнту, накіроўваюць іх. Так кожныя Рараты дзеці атрымліваюць адно заданне, а разам з тым прыносяць рэчы ад якіх адмовіліся на час адвэнту, звычайна гэта нешта з салодкіх прысмакаў. Усё гэта збіраеца, каб ахвяраваць дзецям з малазабяспечаных сем’яў на Божае нараджэнне.

С. Ж.

Неба покрывам укрыла

Снегам белым сцежкі,

Восень с жалем уступіла

Зіме сцюжнай месца.

Снежань люду абвясціў,

Што ўжо Адвэнт наступіў!

Трэба сэрцы рыхтаваць,

Каб Езуса сустракаць.

І таму ў касцёл мы з хаты,

С запаленай свечкай,

Хутка крочым на Рараты