Нашыя парафіяне на дыяцэзіяльным конкурсе па веданні Святога Пісання

27 красавіка ў Віцебску адбыўся фінальны этап дыяцэзіяльнага конкурсу па веданні Бібліі, арганізаванага дабрачыннай арганізацыяй «Карытас». Конкурс праходзіў па зместу Кнігі Быцця і Евангелля паводле Лукі.

З браслаўскага дэканату выйшлі ў фінал і нашыя міністранты Арцём Піскун і Міхаіл Шульгоўскі. Пасля першага тэсту 2 катэгорыі (старэйшыя), у якім бралі ўдзел каля 15 чалавек, нашыя ўдзельнікі не трапілі ў семёрку найлепшых. Семярых чакалі вусныя пытанні, пасля якіх выявілі пераможцаў.

Пераможцы дыяцэзіяльнага конкурсу па веданні Святога Пісання:

1 катэгорыя:

Барыла Данііл — парафія Узвышэння Святога Крыжа (Шаркаўшчына), катэхет Галіна Трызна;

Ушак Мілена – Капліца Святога Юзафа (Друйск, Мёрскі дэканат), катэхет с. Лілія Дарожка;

Вілінец Вікторыя — парафія Святога Антонія Падуанскага (Віцебск), катэхет с. Мажэна Вельгус;

2 катэгорыя:

Панько Дамініка — парафія Святога Антонія Падуанскага (Віцебск), катэхет с. Мажэна Вельгус;

Аляхновіч Дарына — парафія Узвышэння Святога Крыжа (Шаркаўшчына), катэхет Галіна Трызна;

Руткоўскі Станіслаў — парафія Узвышэння Святога Крыжа (Шаркаўшчына), катэхет Галіна Трызна.

Дзякуем нашым маладым парафіянам за ўдзел у конкурсе.

Тэкст і фота
кс. Уладзімір Шыдлоўскі SDS