8 верасня ў нашай парафіі адбылося асвячэнне новаадрамантаванай катэхетычнай залі ў будынку насупраць касцёла. Цяпер гэтая заля называецца «святліца» і спалучае ў сабе цэнтр для дзяцей і моладзі і катэхетычны клас.
Праект  рэалізаваны праграмай «Польская дапамога», «Карытас Польшча» і «Карытас Віцебскай дыяцэзіі» і фінансаваны ў рамках праграмы польскага супрацоўніцтва дзеля развіцця Міністэрства замежных спраў РП
 
Пасля нядзельнай святой Імшы святары, катэхеты, дзеці і іх бацькі прыйшлі ў катэхетычны клас, каб разам памаліцца аб добрых плёнах навучання і за дабрадзеяў, якія фінансавалі дазены праект.
 
Размяшчаецца катэхетычны клас у тым жа месцы, што і раней, аднак цяпер тут ёсць новае тэхнічнае абсталяванне (камп’ютар, праектар і іншае), абноўлена мэбля, зроблены невялікая кухня з посудам і кухоннай тэхнікай. Усё гэта для таго, каб дзеці і моладзь маглі тут не толькі набываць новыя веды, але і разам праводзіць вольны час. Дырэктар «Карытас Віцебскай дыяцэзіі» ксёндз Андрэй Аніскевіч адзначыў, што дадзеная заля атрымала новае жыццё не толькі для правядзення тут катэхез, але і для іншых заняткаў, у тым ліку інтэграцыйных, куды змогуць прыходзіць дзеці з інваліднасцю, дзеці, пазбаўленыя бацькоўскай апекі, з цяжкім становішчам у сям’і. 
 
«Дадзеная святліца (цэнтр дзяцей і моладзі, спалучаны з катэхетычнай залай) створана для таго, каб дзеці маглі прыходзіць сюды пасля ўрокаў, каб маглі пабыць разам, каб тут праводзіліся розныя мерапрыемствы для іх. Каб тут дзеці маглі адчуць сябе як дома (для гэтага зроблена кухня), каб ім было тут утульна», ‒ адзначыў ксёндз Андрэй Аніскевіч. 
 
Пробашч нашай парафіі ў сваю чаргу падзякаваў спонсарам за дапамогу і адзначыў, што тут плануецца праводзіць і разнастайныя гурткі, але больш канкрэтна казаць пра іх можна будзе крыху пазней.
 
У межах дадзенага праекту такія святліцы з’явіліся ў Глыбокім, Мёрах, Лепелі і віцебскай парафіі Езуса Міласэрнага. 
Тэкст: Святланана Жылевіч
Фота: Ірына Гайдамовіч
novy_klas_1.JPG
novy_klas_2.JPG
novy_klas_3.JPG
novy_klas_4.JPG
novy_klas_5.JPG
novy_klas_6.JPG
novy_klas_7.JPG
novy_klas_8.JPG
novy_klas_9.JPG
novy_klas_10.JPG
novy_klas_11.JPG
novy_klas_12.JPG
novy_klas_13.JPG
novy_klas_14.JPG
novy_klas_15.JPG
novy_klas_16.JPG

У новы катэхетычны год ‒ з новай залай