Мат ‒ што гэта? Чалавек павінен разумець, з якім агнём ён жартуе. Курыльшчыка папярэджваюць, паказваючы згнілыя лёгкія, алкаголіка ‒ дэманструючы паразы печані. Людзі ведаюць, на што ідуць і чым рызыкуюць. 
Брыдкаслоўе ‒ не проста лаянка, ругань, імкненне атрымаць верх над праціўнікам у спрэчцы. Яно накіравана ў першую чаргу супраць Бога, за што атрымала назву «чорнай ругані».
 
Мацюкацца ‒ значыць «лаяцца па-чорнаму». З да-хрысціянскіх часоў мат носіць выключна магічны, сакральны характар. Ён ‒ элемент служэння сатане. Кожнае мацюкальнае слова ‒ гэта блюзнерства супраць Бога і ўслаўленне сатаны. Таму не выпадкова, што нецэнзурныя словы ў некаторых замяняюць малітвы. У складаныя хвіліны, у цяжкай працы чалавек не шукае дапамогі ў звароце да Бога, а брыдкасловіць. Усплеск энергіі ў матныя словы ‒ і справа рухаецца, хоць штурхае яго зло, якому такім чынам аддае сябе чалавек. Далей выпрацоўваецца ўмоўны рэфлекс: дрэнна табе – лайся, брыдкаслоў. Так чалавека адвучаюць ад Бога. Таму трэба сказаць выразна і ясна, што мат ‒ гэта служэнне сатане, якое чалавек ажыццяўляе па ўласнай волі і публічна. Магчыма, камусьці гэтага будзе дастаткова, каб моцна задумацца і стрымаць сваю мову.
 
Рускі мат ‒ асаблівы, такіх нізкіх і брудных слоў няма ў іншых мовах. Матныя словы ‒ гэта імёны язычніцкіх багоў, гэта значыць, нечысці. І чалавек, які прамаўляе гэтыя словы, аўтаматычна заклікае гэтых дэманаў на сябе, сваіх дзяцей і свой род. Тут мы маем справу з сакрамэнтам слова. Каго клічаш, той і прыходзіць. Называеш чалавека па імені ‒ ён адклікаецца. Заклікаеш імя Божае   ў малітве ‒ Госпад адкажа, калі будзе Яго воля. Калі вымаўляюцца імёны чарцей, д'ябла, дэманічных сіл, адгукаюцца дэманы, якія і суправаджаюць чалавека, а ён атрымлівае ад іх сілу і жорсткасць. А самае агіднае, калі ў гэты набор бруду ўплятаецца імя маці. Для любога чалавека, які лічыць сябе нармальным, вымаўленне гэтых выразаў азначае яго ўласнае апусканне ў яму бруду. Але даўгі даводзіцца плаціць, і сатана збірае шчодрую даніну: п'янства, самагубства, цяжкія хваробы.
 
Людзі апраўдваюць брыдкаслоўе раздражненнем, страхам ‒ нібыта адбываецца разрадка. Нічога падобнага! Мат ‒ гэта чорная энергія. У ім няма любові і няма ніякай стваральнай сілы. Ён нясе знішчэнне. І людзі, кідаючыся брыдкімі словамі, нават не падазраюць аб тых наступствах, якія яны нясуць з сабой.
 
Прасцей кажучы, чалавек, які ругаецца матам, дае злу завалодаць сабой, губляе здароўе, сілу, скарачае жыццё. У народзе кажуць, што страшны нож не за поясам, а на канцы языка. Словам мы ствараем або руйнуем. Ад нашых слоў залежыць здароўе і дабрабыт нас і нашых дзяцей! Таму пачніце з сябе, кантралюйце сваё маўленне, не давайце чорнай лаянцы атрымаць верх над вамі. Перш, чым вымамаўляць брыдкія словы, узгадайце, што гэта наносіць вам непапраўную і страшную шкоду.
 
С. Ганна Мізавец SJE,
газета «Наша парафія»