Мітрапаліт Юзаф Станеўскі ў Браславе: тут мы можам перажыць атмасферу супакою

Кульмінацыяй урачыстасцяў Маці Божай Валадаркі Азёраў з’яўляецца святая Імша на палявым алтары. Узначаліў яе Мітрапаліт Мінска-Магілёўскі арцыбіскуп Юзаф Станеўскі.

Разам з ім маліліся біскуп Віцебскі Алег Буткевіч, дапаможны біскуп Пінскай дыяцэзіі Казімір Велікаселец, дапаможныя біскупы Мінска-Магілёўскай архідыяцэзіі Юрый Касабуцкі і Аляксандр Яшэўскі, Апостальскі візітатар для беларускіх грэка-католікаў архімандрыт Сяргей Гаек, а таксама ксёндз Юзаф Фігель SDS, правінцыял супольнасці сальватарыянаў.

Сваім спевам літургію упрыгожвалі ўдзельнікі летняй школы касцёльнага спеву. Ужо ў пяты раз яна праходзіла ў нашай парафіі пад кіраўніцтвам дацэнта Беларускай дзяржаўнай акадэміі музыкі Уладзіміра Неўдаха. Таксама да спеву далучыўся хор «Salutaris».

«Хтосьці сказаў, што найпрыгажэйшай мелодыяй з’яўляецца цішыня, бо ў ёй можна пачуць мелодыю ўласнага сэрца, ― звярнуўся да прысутных Мітрапаліт Станеўскі. ― Мае дарагія, таму напрацягу стагоддзяў чалавек уцякаў ад мітусні гэтага свету ў цішыню Бога, каб спазнаць і зачэрпнуць Божай праўды. І мы сёння імкнёмся дакрануцца Божай праўды. Нашая прысутнаць і малітоўная сустрэча дазваляюць нам зачэрпнуць чароўнай Божай і браслаўскай цішыні (…). Тут мы можам перажыць атмасферу супакою, якая спрыяе сустрэчы з Богам і чалавекам».

«Браты і сёстры, пілігрымы. Няхай Прачыстая Дзева Марыя, наша Каралева, дапаможа нам, так, як і нашым продкам у мінулай гісторыі нашай Айчыны, вытрываць у веры, узброіцца надзеяй, дзяліцца любоўю з братамі і сёстрамі. Божа, беражы Беларусь» ― дадаў біскуп.

Напрыканцы святой Імшы біскуп Алег Буткевіч уручыў дыпломы падзякі святарам, якія сёлета адзначылі 35-годдзе з часу свайго пасвячэння, а таксама падзякаваў усім прысутным за супольную малітву.

Тэкст: Святлана Жылевіч

Фота: Ірына Гайдамовіч

Благаслаўлёны ФРАНЦІШАК МАРЫЯ
АД КРЫЖА ЯРДАН

Нарадзіўся 16 чэрвеня 1848 г. у беднай сялянскай сям’і ў Гуртвелі каля Валдшунт. Памёр у Тафэрсе каля Фрыбурга 8 верасня 1918 года. З дзяцінства жадаў стаць святаром. Доўга чакаў пакуль рэалізуюцца планы з-за цяжкой сітуацыі ў сям’і. Працаваў фізічна, быў здольным і вядомым рамеснікам. Вылучала яго вытрываласць у дасягненні мэты. У 26 гадовым узросце (1874 год) стаў студэнтам і вывучаў тэалогію, а маючы 30 год (1878 год) стаў святаром акурат у той час, калі Касцёл у Германіі перажываў цяжкі Культуркампф.

Пн	Ат	Ср	Чц	Пт	Сб	Нд
	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30

Пн

Ат

Ср

Чц

Пт

Сб

Нд

СЛУХАЕМ АНЛАЙН

Вялікая пятніца

Пасхальная вігілія

Запрашаем на штотыднёвую прыборку касцёла

Расклад катэхэз у нашай парафіі на 2022-2023 год

САКРАМЭНТ ПАКАЯННЯ I ПАЯДНАННЯ (СПОВЕДЗЬ)

Заснавальнік

Благаслаўлёны ФРАНЦІШАК МАРЫЯ
АД КРЫЖА ЯРДАН

Спіс лектараў красавік - верасень

РАСКЛАД НАБАЖЭНСТВАЎ

КАРОТКІ КАТЭХІЗІС

Дзесяць Божых запаведзяў

Падзякі і просьбы да Маці Божай Валадаркі Азёраў