З 24 па 26 сакавіка ў нашай парафіі адбыліся велікапосныя рэкалекцыі. Праводзіў іх ксёндз Валерый Аброшка, эканом Міждыяцэзіяльнай вышэйшай духоўнай семінарыі ў Гродне.
 
Велікапосныя рэкалекцыі ― гэта цыкл казанняў і катэхез, якія праводзіць запрошаны святар. Гэта добрая нагода прысвяціць больш часу разважанням над сваім жыццём і падрыхтавацца да Велікодных святаў.
 
Ксёндз Валерый прапанаваў для разважання тэму малітвы, посту і міласціны як тры ўмовы карыснага перажывання Вялікага посту. А таксама нагадаў пра ўчынкі міласэрнасці для душы і цела бліжняга. Здавалася б, для ўсіх практыкуючых католіках гэта добра вядомыя справы. Але ведаць, яшчэ не азначае рабіць. Таму карысна не толькі тое, што святар прыгадаў гэтыя моманты, але дапамог зразумець, як канкрэтна можна выконваць іх у паўсядзённым жыцці. 
 
У межах трох дзён рэкалекцый святар-рэкалекцыяніст правёў таксама асобныя катэхезы для бацькоў, дзяцей і моладзі. І шмат часу прысвяціў паслузе ў канфесіянале. 
 
Дзякуем ксяндзу Валерыю за яго служэнне, а таксама пробашчу нашай парафіі за клопат пра духоўнае развіццё вернікаў. 
 
Тэкст: Святлана Жылевіч
Фота: Ірына Гайдамовіч
rekol_wp_1.JPG
rekol_wp_2.JPG
rekol_wp_3.JPG
rekol_wp_4.JPG
rekol_wp_5.JPG
rekol_wp_6.JPG
rekol_wp_7.JPG
rekol_wp_8.JPG
rekol_wp_9.JPG
rekol_wp_10.JPG
rekol_wp_11.JPG
rekol_wp_12.JPG
rekol_wp_13.JPG
rekol_wp_14.JPG
rekol_wp_15.JPG
rekol_wp_16.JPG
rekol_wp_17.JPG
rekol_wp_18.JPG

Малітва, пост, міласціна. І яшчэ некалькі думак з велікапосных рэкалекцый