Св. Імшы у нашай парафіі
ў нядзелю - 8.30, 11.00, 15.00, 19.00
у бальнічнай капліцы ў 16.30

У абавязковыя святы, якія прыпадаюць у будні дзень, а гадзіне 11.00, 19.00
i ў бальнічнай капліцы ў 16.30

 
У пачатку жніўня шматлікія вернікі накіроўваюцца ў Росіцу, каб ушанаваць благаслаўлёных айцоў марыянаў Юрыя Кашыру і Антонія Ляшчэвіча. Росіца – гэта асаблівае месца цішыні і малітвы, якое збірае шмат пілігрымаў. У гэтым годзе ўпершыню з Браслава будзе арганізавана пілігрымка на матацыклах.  
Напярэдадні пілігрымкі я вырашыла паразмаўляць з яе кіраўніком і арганізатарам кс. Уладзімірам Шыдлоўскім SDS.
 
- Кс. Уладзімір, адкуль узнікла ідэя арганізаваць пілігрымку менавіта на матацыклах?
- Я даўно ежджу на матацыкле і люблю гэтую справу. Шмат падарожнічаў па Польшчы, калі там працаваў. Актыўна прымаў удзел у розных пілігрымках, злётах, парафіяльных фэстах на матацыклах. А калі прыехаў у Браслаў, то вырашыў перанесці такую ідэю да нас. 
 
- А чаму менавіта ў Росіцу?
- Усе даволі проста. У Будслаў не меў магчымасці, бо з’яўляўся кіраўніком пешай пілігрымкі, а потым успомніў пра Росіцу і прыняў такое рашэнне.
 
- Як Вы заахвочваеце байкераў да ўдзелу ў пілігрымцы?
- Перадусім – гэта байкерская салідарнасць. Пазнаёміўшыся з байкерамі з Браслава, а потым расказаўшы ім пра сваю ідэю, я атрымаў падтрымку з іх боку. Усё адбылося неяк само па сабе.
 
- Якая мэта пілігрымкі?
- Як казаў наш заснавальнік айцец Ярдан: “Трэба выкарыстоўваць усе магчымыя сродкі для евангелізацыі”. Таму, у першую чаргу – гэта евангелізацыя і, безумоўна, ушанаванне памяці Росіцкіх пакутнікаў. 
 
- Як успрынялі матацыклісты Вашу прапанову?
- Спачатку са здзіўленнем, але добразычліва і з зацікаўленасцю.
 
- Што хочаце сказаць, паказаць гэтай пілігрымкай?
- Мы не павінны забываць пра зло і што ў сучасным свеце трэба на яго рэагаваць, каб не паўтараць памылак іншых.
 
- Вы хвалюецеся?
- Шчыра кажучы, вельмі.
 
- Што пажадаеце ўдзельнікам?
- Перадусім, не баяцца прыняць удзел і запалу духа. І я спадзяюся, што гэта справа будзе развівацца далей.
 
Гутарыла Анжаліка Пілат
Фота з асабістага архіва кс. Уладзіміра Шыдлоўскага SDS
 
 
Абавязковыя святы
Кожны католік абавязаны ўдзельнічаць у Святой Імшы кожную нядзелю, а таксама ў наступныя ўрачыстасці і святы:
Святой Багародзіцы Марыі – 1 студзеня.
Аб’яўленне Пана (Тры Каралі) – 6 студзеня.
Святога Юзафа – 19 сакавіка.
Унебаўшэсце Пана – з календара рухомых святаў.
Цела і Крыві Хрыста (Божага Цела) – з календара рухомых святаў.
Святых апосталаў Пятра і Паўла – 29 чэрвеня.
Унебаўзяцце Найсвяцейшай Панны Марыі – 15 жніўня.
Усіх Святых – 1 лістапада.
Беззаганнага Зачацця Найсвяцейшай Панны Марыі – 8 снежня.
Нараджэнне Пана – 25 снежня.

Ліста лектараў (жнівень - лістапад)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

Дзесяць Божых запаведзяў

Я - Пан Бог твой, які вывеў цябе з зямлі егіпецкай, з дому няволі.
1.  He май іншых багоў, апроч Мяне.
2.  He ўжывай імя Пана Бога твайго дарэмна.
3.  Памятай дзень святы святкаваць.
4.  Шануй бацьку свайго і маці сваю.
5.  He забівай.
6.  He чужалож.
7.  He крадзі.
8.  He сведчы фальшыва супраць бліжняга твайго.
9.  He пажадай жонкі бліжняга твайго.
10. He пажадай нічога, што належыць бліжняму твайму.
Go to top